“US Open”нинг амалдаги ғолиби учун мавсум якунланди

Жаҳоннинг тўртинчи ракеткаси Стен Вавринка тиззасини операция қилдирадиган бўлди.

“Жамоам ва шифокорлар билан маслаҳатлашганимдан сўнг, сизларга оғир хабарни эълон қиламан. Мен шифокорлар билан келишган холда тиззамни операция қилдиришга қарор қилдим.

Бу менга бир неча йиллар мобайнида яна юқори савияда ўйин кўрсатишим учун ягона йўлдир”, – деб ўзининг “Facebook” ижтимоий тармоғидаги саҳифасида ёзиб қолдирди швейцариялик теннисчи.

Қайд этиш жоиз, Вавринка катта дубулға туркумига кирувчи “US Open” турнирининг амалдаги ғолиби саналади.