Усмон Дембеле Хавини франциялик футболчини олиш фикридан қайтарди

“Бароселона” бош мураббийи Хави Эрнандес ўтган ёз Франция терма жамоаси ўйинчиси Бенжамин Паварни ўз жамоасига қўшиб олмоқчи эди.

Бироқ Усмон Дембеле Хави Эрнандесни бу ҳимоячини трансфер қилиш фикридан қайтарди. Натижада “Барселона” ўз мақсадидан воз кечди.

Қизиғи шундаки, Усмон Дембеленинг ўзи ҳам Каталониядан кетиб қолди. Ҳужумкор футболчи ПСЖ чорловини қабул қилди.

“Бавария”да ўйнаб юрган Бенжамин Павар “Барселона”дан таклиф келмагач, “Интер” сафига кўчиб ўтди. Миланликлар тажрибали ҳимоячи учун 30 миллион евро бадал пули тўлади ва яна икки миллион еврони турли бонуслар кўринишида ўтказиб боради.