"Валенсия" ўзига янги мураббий топди

Испаниянинг “Валенсия” клуби ўзига янги бош мураббий қидирмоқда.

Cadena Ser нашрининг хабар беришича, “кўршапалаклар” душанба куни янги мураббий номини эълон қилмоқчи. Бу борада эса, Хави Гарсия номзоди асосий бўлиб турибди. Томонлар ўртасидаги музокаралар ҳал қилувчи босқичга ўтган. Энди фақатгина клуб хўжайини Питер Лим ва Гарсия ўзаро шартнома шартларини келишиб олса бас.

Эслатиб ўтамиз, “Валенсия” ўтган ой Альберт Селадесни истеъфога чиқарган эди. Гарсия эса «Уотфорд», «Рубин», «Малага» ва «Олимпиакос» клубларини бошқарган.