"Валенсия" президенти ўзига тансоқчи ёллади

“Валенсия” президенти Анил Мурти ўзига тўппонча билан қуролланган тансоқчи ёллади. Superdeporte нашрининг ёзишича, бу хабарни клубга яқин манбалар ҳам тасдиқлаган.

Клуб мухлислари сўнгги пайтларда раҳбариятнинг юритаётган сиёсатидан норози бўлмоқда. Натижада, ижтимоий тармоқлар орқали мухлислар президент Муртига жиддий таҳдид қилмоқда.

“Валенсия” клуби хўжайини Питер Лиманинг қизи Инстаграмдаги саҳифасида мухлисларга нисбатан шундай мурожаат қилган эди: “Бу бизнинг клуб ва биз бу ерда нима хоҳласак шуни қиламиз”. Кейинчалик ушбу пост ўчириб ташланди, аммо раҳбарият ва мухлислар ўртасидаги можаро темпи ҳали ҳам тушгани йўқ.

Ўтган мавсум “Валенсия” Ла Лигада 9-ўринни эгаллади ва еврокубоклар йўлланмасидан қуруқ қолди.