Ван Дейк АПЛда мавсумнинг энг яхши футболчиси деб топилди
Ads

"Ливерпуль" клуби ҳимоячиси Виржил ван Дейк Англия профессионал футболчилар ассоциацияси (PFA) талқини бўйича АПЛда мавсумнинг энг яхши футболчиси деб топилди.

Daily Mail нашри тарқатган хабарга кўра 27 ёшли голландиялик футболчи ўтказилган сўровнома якунларига кўра энг кўп овоз тўплаган. Ушбу мукофот 28 апрель куни топширилади.

Таъкидлаш керакки, ушбу мукофот учун шунингдек Садио Мане ("Ливерпуль"), Эден Азар ("Челси"), Рахим Стерлинг, Серхио Агуэро ва Бернарду Силва (барчаси – "Манчестер Сити") каби футболчиларнинг ҳам номзоди бор эди.

Маълумот учун, ван Дейк жорий мавсум “Ливерпуль” сафида жами 44та ўйинда майдонга тушди ва ўз ҳисобига 5та гол ҳамда 4та голли узатма ёздириб қўйишга эришди.