Van Deyk "Liverpul" bilan shartnomasini uzaytirmoqchi

"Liverpul" klubi himoyachisi Virjil van Deyk mersisaydliklar bilan amaldagi shartnomasini uzaytirmoqchi.

ESPN nashri tarqatgan xabarga qaraganda 27 yoshli gollandiyalik futbolchi shaxsan o‘zi klub rahbariyatiga kelishuvni uzaytirishni taklif qilgan. Ta’kidlash kerakki, tomonlar o‘rtasidagi amaldagi kelishuv 2022 yilga qadar imzolangan.

Ma’lumot uchun, van Deyk “Liverpul” safida 2018 yilning yanvaridan buyon to‘p surib kelmoqda. U o‘tgan davr mobaynida jami 72ta o‘yinda maydonga tushdi va 7ta gol hamda 4ta assist yozdirib qo‘yishga erishdi.