Ван Дейк “Манчестер Сити”га қарши ўйинда майдонга тушадими?

Айни дамда “Ливерпуль”нинг бир қатор футболчилари жаҳон чемпионатидан қайтиб, машғулотларга қўшилди. Клубни олдинда Англия Лига кубоги доирасида “Манчестер Сити”га қарши ўйин кутмоқда. Ушбу учрашув олдидан бош мураббий Юрген Клопп сафга қайтган футболчиларнинг қайсилари майдонга тушишини айтди.

“Ҳа, клубга қайтган футболчилар ўйнаши мумкин. Хендо аллақачон биз билан бирга. Виржил ҳам шу ерда, лекин у “Манчестер Сити”га қарши майдонга тушмаса керак”, - деди 55 ёшли мутахассис.

“Асосий таркибни ўйинга бир кун қолганда ҳал қиламиз. Бу ажойиб тўқнашув бўлади. Учрашувни интиқлик билан кутмоқдаман”, - дея қўшимча қилди Клопп.

Ушбу мавсум бу икки клуб ўзаро ўйнаб бўлган. Премьер-Лиганинг 11-туридан ўрин олган учрашувда “Ливерпуль” 1:0 ҳисобида ғалаба қозонганди.