"Вашингтон Кэпиталз" ўз тарихида илк бор Стэнли кубогини қўлга киритди

Бугун хоккей бўйича Стэнли кубогининг финал беллашувида бош соврин эгаси аниқланди. Мавсум ғолибини аниқлаш учун "Вегас" ҳамда "Вашингтон" жамоаларининг 5та серияси кифоя қилди. 

Беллашув Лас-Вегасда ўтган бўлса ҳам ғалаба сари катта шижоат билан ҳаракат қилган "пойтахтликлар" 4:3 ҳисобида ғалаба қозонишди. Ғолиб жамоанинг голларига Врана, Овечкин, Смит-Пелли ҳамда Эллер муаллифлик қилишди. Эътиборлиси, "Вашингтон" сардори Александр Овечкин Стэнли кубогини боши узра баланд кўтарган илк россиялик хоккейчи сифатида тарихга кирди.