Вегхорст “Манчестер Юнайтед” таркибида қачон дебють қилади?

“Манчестер Юнайтед” Воут Вегхорст трансферини ҳал қилди. Футболчи тез орада клуб машғулотларида кўриниш беради.

Тен Хаг нидерланлиялик футболчининг дебютини кўп кутмоқчи эмас. У “Манчестер Сити” га қарши ўйинда майдонга тушади, дея хабар берди “Talk Sport” нашри. Ушбу ўйин Премьер-лиганинг 20-туридан ўрин олган учрашув ҳисобланади.

Маълумот учун, Вегхорстнинг 6 ойлик ижараси “қизил иблислар”га 3 миллион еврога тушди. У мавсум сўнгида “Бёрнли”га қайтиши кутилмоқда.