Велоспортчиларимиз Ҳиндистон ва Хитойга йўл олишди
Ads

Ўзбекистон велосипед спорти федерацияси миллий терма жамоанинг 1 нафар мураббийи ҳамда 2 нафар ўсмир спортчини халқаро ўқув-машғулот йиғини ўтказиш учун Ҳиндистонга жўнатди.

Делегациямиз жорий йилнинг 11 сентябр кунига қадар Ҳиндистонда бўлиб ўтадиган халқаро ўқув-машғулот йиғинида велосипед спорти бўйича ўз махоратларини ошириб борадилар. Ундан кўзланган мақсад ўсмирлардан иборат бўлган миллий терма жамоани 2022, 2024 ва 2028 йилги ёзги Олимпия ўйинларига босқичма-босқич тайёргарлик кўришларига хизмат қилади.

Шунингдек, 1 нафар мураббий ва 3 нафар спортчи Пекин шаҳрида бўлиб ўтадиган халқаро мусобақада иштирок этиш учун Хитой давлатига жўнаб кетди. Шу билан бирга мазкур делегация жорий йилнинг 4-9 сентябрь кунлари Россиянинг Омск шаҳрида бўлиб ўтадиган халқаро мусобақада ҳамда 9-11 сентябрь кунлари Ҳиндистон давлатида бўлиб ўтадиган трек йўналишидаги Осиё кубогида ҳам иштирок этадилар.

Ахамиятли томони шундаки ушбу халқаро мусобақалар спортчиларимизга Токио 2020 Олимпия ўйинларига қимматли рейтинг балларини  тақдим этади.