Verner golsiz seriyasiga yakun yasagan o‘yinda "Chelsi" yirik hisobda g‘alaba qozondi

Angliya Kubogi 1/32 final uchrashuvlari bo‘lib o‘tmoqda. O‘z uyida "Morkam"ni qabul qilgan "Chelsi" 4:0 hisobida g‘alaba qozondi.

Dastlab, Meyson Maunt 18-daqiqada hisobni ochdi. Taxminan 25 metr masofadan zarba bergan futbolchi darvozani ishg‘ol etdi. "Aristokratlar" birinchi bo‘lim yakuniga qadar hisobni ishonchli ko‘rinishga keltirdi. Xavertsning uzatmasini Verner bo‘sh qolgan darvozaga kiritdi. Uchinchi gol Zieshning pasidan keyin birga-bir vaziyatga chiqib borgan Xadson-Odoi tomonidan kiritilgan bo‘lsa, Kay Xaverts 86-daqiqada hisobni 4:0 ko‘rinishiga keltirdi.

Shu tariqa, Lempard shogirdlari Angliya Kubogi 1/16 final bosqichiga yo‘llanmalarni qo‘lga kiritdi.

• 90+2'
  

  Учрашув якунланди. Матнли трансляция Жавоҳир Азимов томонидан олиб борилди!

• 90'
  

  Ўйиннинг асосий вақтига 2 дақиқа қўшиб берилди.

• 86'
  

  ГОООООООООООЛЛЛЛЛЛЛЛ! Хаверц ҳам ўз исмини таблога ёздириб қўйди!

  Қанотдан оширилган тўпни Кай Хаверц дарвозага тўғирлаб юборди.

• 81'
  

  Томори Курт Зумани алмаштирди.

• 79'

  "Челси" футболчилари фаол ўйин кўрсатишда давом этмоқда.

• 76'

  Жарима майдонига етказилган тўпни бугун 100-учрашувини ўтказаётган Кепа эгаллаб олди.

• 74'
  

  Абрахам Маунт ўрнига майдонга тушди.

• 72'
  

  Меҳмонлар посбони яқин масофадан йўлланган икки зарбани бартараф этди.

• 70'

  Маунтнинг жарима майдони марказига оширган тўпини рақиб ҳимоячилари узоқлаштирди.

• 68'
  

  Пулишич ва Жиру майдонга тушди. Улар ўрнига Зиеш ҳамда Вернер захирага олинди.

• 65'

  Хаким Зиешнинг узоқ масофадан йўллаган зарбаси ноаниқ кетди.

• 62'
  

  "Моркам" сафида ўзгариш: Хендри, Куни ҳамда Слев ўрнига Гибсон, Меллор ва Осалливан майдонга тушди.

• 60'

  Лэмпард шогирдлари катта устунлик билан олдинга ўтмоқда. Меҳмонлар ҳужум уюштира олмаяпти.

• 57'

  Вернер тўпни ўзига бўйсундира олмади. "Челси"нинг навбатдаги ҳужуми муваффақиятсиз якунланди.

• 54'

  Хаверцнинг зарбаси ноаниқ кетди. Кай тўпга мослаша олмади.

• 52'

  Зиешнинг узоқ масофадан берган зарбаси тўсин юқорисидан ўтиб кетди.

• 49'
  

  ГООООООООООЛЛЛЛЛЛЛ! "Челси" ҳисобни йирик кўринишга келтирди!

  Зиешнинг узатмасидан кейин бирга-бир вазиятга чиқиб борган Хадсон-Одои дарвозани ишғол этди.

• 47'

  Майдон марказида Хадсон-Одоига нисбатан қоида бузилди.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45'
  

  Танаффус!

• 44'
  

  ГООООООООООЛЛЛЛЛЛЛЛЛ! "Аристократлар" бўлим сўнгида иккинчи голни киритди.

  Хаверцнинг узатмасидан кейин Вернер тўпни бўш қолган дарвозага киритди.

• 43'

  Ўйин Лэмпард шогирдларининг фаол ҳужумлари остида давом этмоқда.

• 40'

  Антонио Рюдигер иккинчи қаватдаги тўп учун курашда рақибига нисбатан қоида бузди.

• 38'

  Қанотдан оширилган тўпга Хаверц бироз ета олмади.

• 36'

  "Моркам"нинг камсонли ҳужумларидан навбатдагиси кучсиз зарба билан якунланди. Кепа тўпни ушлаб олди.

• 33'

  Аспиликуэтанинг ўнг қанотдан уюштирган ҳужуми бесамар якунланди.

• 31'
  

  Хадсон-Одоининг узатмаси ҳимоячидан ўтмади. "Аристократлар" бурчакдан тўпни ўйинга киритади.

• 29'

  Вернернинг навбатдаги зарбаси ноаниқ кетди.

• 27'

  Зиешнинг жарима майдони марказига узатган тўпига шериклари етиб бора олмади.

• 24'

  Тўп назорати, аниқ узатмалар, зарбалар бўйича тўлиқ устунлик мезбонларда.

• 22'
  

  Эмерсоннинг жарима майдони ташқарисидан берган зарбасини дарвозабон қайтарди.

• 20'

  Ҳисобда олдинга ўтиб олган лондонликлар фаол ўйин кўрсатишда давом этмоқда.

• 17'
  

  ГООООООООООЛЛЛЛЛЛЛ! "Челси" ҳисобни очди!

  Маунтнинг узоқ масофадан йўллаган зарбасини дарвозабон қайтара олмади.

• 16'

  "Челси" футболчилари ҳамон тўп назоратини ўзида ушлаб турибди.

• 14'
  

  Рюдигернинг фойдали ҳаракатлари туфайли "аристократлар" бурчак тўпи ишлаб олди.

• 12'
  

  Қанотдан узатилган тўп дарвозага кириб кетишига Кепа йўл қўймади.

• 10'

  Зиеш жамоадошининг узатмасига етиб бора олмади.

• 8'

  Майдон марказида Гилморга нисбатан қоида бузилди.

• 5'

  Тўп назорати Лэмпард шогирдларида. Меҳмонлар имкон қадар хатога йўл қўймасликка ҳаракат қилмоқда.

• 3'

  Илк хавфли вазият мезбонларда: Вернернинг бош билан йўллаган зарбаси бироз ноаниқ кетди.

• 1'
  

  Ўйин бошланди!

• 0'

  Футболчилар майдонга тушиб келди. Ўйин бир неча сониялар ичида старт олади.