Верратти "Ал-Ҳилол" билан келишувга эришди

ПСЖ вакили Марко Верратти фаолиятини Саудия Арабистонида давом эттириши мумкин. Уни "Ал-Ҳилол" ўз таркибига қўшиб олишга ҳаракат қилмоқда. Айни пайтда томонлар музокараларни бошлаган. 

Фабрицио Романонинг сўзларига кўра, италиялик ярим ҳимоячи "Ал-Ҳилол" билан 3 йиллик шартнома борасида келишувга эришди. Унинг маоши йилига 25 миллион евро бўлади. Жамоа парижликларга 30 миллион евро таклиф қилди. Аммо бу футболчининг трансфери учун камлик қилади. Тез орада янги таклиф юборилиши кутилмоқда. 

Саудия клуби Маркодан ташқари Килиан Мбаппени ҳам сотиб олишга ҳаракат қилмоқда.