Верратти ПСЖ сафида Чемпионлар лигасида ўйнай олмайди

ПСЖ УЕФАга Чемпионлар лигаси гуруҳ босқичи учун ариза топширди. Журналист Фабрис Хокинснинг хабар беришича, ўйинчилар рўйхатида ярим ҳимоячи Марко Верратти ва ҳужумчи Уго Экитике йўқ.

Сўнгги ҳафталарда Верратти Қатарнинг "Ал-Араби" жамоаси билан фаол музокаралар олиб бормоқда. Италиялик ярим ҳимоячи ПСЖ бошқарувчиси Луис Энрикенинг режаларига киритилмаган. Экитикега келсак, у ёзда "Айнтрахт"га ўтиш эҳтимоли бордек туюлди, аммо келишув амалга ошмади.

Эслатиб ўтамиз, ПСЖ Чемпионлар лигаси гуруҳ босқичида "Боруссия" Дортмунд, "Милан" ва "Ньюкасл"га қарши баҳс олиб боради.