Видаль

"Барселона" ярим ҳимоячиси Артуро Видаль "Интер"дан бўлаётган таклифлар ҳақида гапириб ўтди.

"Конте билан ажойиб даврларда бирга ишлаганмиз. Бу мураббий меҳнатлари сабаб мен энг яхши футболчилардан бирига айландим. Футболда энг муҳим нарса - мураббий ишончини ҳис қилиш.

Мен "Барселона"даги миссиямни бажариш учун тинимсиз ишлашда давом этаман. Аммо бу ерда бахтсизман. Вазиятдан қутулиб кетиш ва асосий таркибга қайтиш учун ҳаракатдан тўҳтамайман. Менинг вақтим ҳали келмади," - дейди Видаль.

Эслатиб ўтамиз, Видаль "Барселона"га 2018 йил келиб қўшилган эди. У жорий мавсумда олти ўйинда иккита гол киритган.

Видаль Конте қўл остида "Ювентус"да 2011 йилдан 2014 йилгача тўп сўрган.