"Вильярреал" 3 йилдан бери ҳеч ким қила олмаётган ишни уддалади

"Бавария" 2019 йилдан бери илк марта Чемпионлар лигаси ўйинида гол ура олмади. 

Юлиан Нагельсманн бошчилигидаги "Бавария" жамоаси Европа чемпионлар лигаси чорак финалидан ўрин олган илк баҳсда "Вильярреал" майдонида 0:1 ҳисобида имкониятни бой берди. 

Шу тариқа, мюнхенликлар Чемпионлар лигасидаги кетма-кет 30 ўйиндан иборат голли сериясига якун ясади. Бунгача немис гранди ЕЧЛ ўйинларида камида битта гол уриб келаётганди. 

Эслатиб ўтамиз, Мюнхен клуби охирги марта 2019 йилда "Ливерпуль"га қарши беллашувни голсиз тарк этганди.