Винисиус “Барса” футболчилари финалда нега у билан уришмоқчи бўлгани сабабини айтди (фото)

Испания Суперкубоги финали қаҳрамони Винисиус Жуниор учрашувда “Барселона” футболчилари биланюзага келган зиддиятли вазиятга изоҳ берди.

Беллашувнинг 71-дақиқасида каталонияликларнинг асосий ҳимоячиси Рональд Араухо иккинчи маротаба огоҳлантириш олиб, майдонни тарк этди. Бунга нисбатан “Барселона” футболчилар эътироз билдира бошлади. Винисиус Жуниор уларга таблодаги ҳисобни кўрсатди.

Бу пайтга келиб, ўйинда якуний ҳисоб 4:1 кўринишига келган эди.

- Мен жуда афсусдаман, ҳамма мен билан уришгиси келади, чунки шундай қилишса, матбуот саҳифаларидан жой олишлари аниқлигини билишади. Мен муваффақият қозониш учун бор эътиборимни ўйинга қаратаман. Мен ҳам авлиё эмасман.

Баъзан мен кўп гапириб юбораман ва тўпни ўзимда кўп ушлаб қоламан. Бундай қилиш ярамаслигини ҳам биламан. Лекин мен бу ерга ўсиш учун келганман. Бош мураббий Карло Анчелотти ва жамоадошларим мени кўп нарсага ўргатяпти, - деди ўйинда хет-трик қайд этган Винисиус Жуниор.