Vinisius Junior transferga munosabat bildirdi

“Real” hujumchisi Vinisius Junior klub rahbariyati “Fenerbahche”ning 18 yoshli futbolchisi Arda Gyulerni transfer qilganiga munosabat bildirdi.

- Gyuler – dunyoning eng buyuk klubini tanlagan o‘yinchilardan biri, - deb yozdi Vinisius ijtimoiy tarmoqlardagi sahifasiga.

Madridliklar iste’dodli yarim himoyachi bilan 2029 yilning yozigacha shartnoma tuzdi.

Ta’kidlash joizki, Arda Gyuler avvaliga “Barselona”ga ko‘chib o‘tishi kutilgandi. “Fenerbahche” uni Kataloniya klubiga transfer qilishdan manfaatdor edi.

Biroq, kutilmaganda yosh o‘yinchi “Qirollik klubi”ni tanladi.