Винисиус "Реал"даги охирги йилини ўтказмоқда. Перес ундан ғазабланган

Ҳужумчи Винисиус Жуниорнинг келажаги футбол оламида муҳокама қилинаётган асосий мавзулардан бири бўлиб қолмоқда. "RMC Sport" журналисти ва инсайдери Даниэль Риоло бразилиялик форвард бу йил "Реал"ни тарк этиши ҳақида маълумотга эга эканлигини билдирди.

"Мен ишонганим шуки, Винисиус "Реал"даги охирги йилини ўтказмоқда. Бутун "Реал" ва Флорентино Перес унинг характеридан чарчаган. Балки у чемпиондир, лекин менимча, "Реал"да қайта қурилиш бошланади.

Винисиус ҳаммага ёқмай қолди. Унинг хулқ-атвори Испанияда ҳаммани ғазаблантирмоқда. Мен биламан, Флорентино Перес энди буни кўтара олмайди, бу уни ғазаблантиради. Унга "Реал" футболчилари бундай ўзини тутиши ёқмайди," — деди Риоло "Defensa Central" нашрига берган интервюсида.

Шунингдек, Саудия Арабистони клублари Винисиус учун 200 миллион евро тўлашга тайёр экани таъкидланмоқда.