Винисиус: "Терма жамоа футболкасини кийиш — ҳаётимдаги энг катта ифтихор"

Бразилия терма жамоаси ҳужумчиси Винисиус Жуниор Жаҳон чемпионатидаги омадсиз иштирокдан сўнг ўз фикрларини билдирди. «Пентакампеонлар» 1/8 финалда Норвегияга 1:2 ҳисобида мағлуб бўлиб, мусобақани эрта тарк этди.

Винисиус натижадан жуда хафсаласи пир бўлганини айтди. Шу билан бирга, у Бразилия терма жамоаси шарафини ҳимоя қилаётганидан фахр тутишини таъкидлади. Футболчи жамоа яна дунё футболи чўққисига қайтиши учун курашишга ваъда берди.

«Деярли тўрт йил ўтди, ва мен яна жаҳон чемпионатидаги навбатдаги аламли мағлубиятдан сўнг нималар ёзиш ҳақида ўйлаяпман. Турли ёшдаги шунчаки кўп инсонларнинг менга ишонгани, орзумизни бўлишгани, қўллаб-қувватлаганини кўрдимки, сукут сақлаш адолатдан бўлмасди. Лекин буни англаб етиш учун менга бир неча кун керак бўлди.

Терма жамоа футболкасини кийиш — ҳаётимдаги энг катта ифтихор. Жаҳон чемпионатини 1/8 финалда тарк этиш эса ифода этиш қийин бўлган аламли ҳиссиёт.

Қанчалик тайёргарлик кўрганимни, қанчалик жамланганимни, бу мусобақани сизлар учун, оилам учун қай даражада хоҳлаганимни яхши биламан. Хафагарчилик ҳисси беқиёс. Бизда кўпроқ натижага эришишга қодир жамоа бор эди, аммо бунга эришолмадик. Ҳамманинг олдида узр сўрайман ва яна орзумиз — дунё футболи чўққисига қайтиш учун курашишда давом этаман», — деди Вини ижтимоий тармоқдаги саҳифасида.