Винисиусни ҳақорат қилган мухлислар узоқ муддатга қамалиши мумкин

Винисиусни ҳақорат қиллган "Атлетико" мухлислари устидан суд келаси ҳафта бўлиб ўтади.

2023 йилда Испания кубогининг 1/4 финали доирасидаги "Реал Мадрид" - "Атлетико" ўйини олдидан кўприкларнинг бирида "Мадрид "Реал"дан нафратланади" деган шиор, шунингдек, Винисиус Жуниор рақами туширилган "Реал" либосини кийган қўғирчоқ ҳам бор эди.

Мадрид прокуратураси "Frente Atletico" гуруҳининг тўрт нафар аъзосининг ҳар бирига 4 йиллик қамоқ жазосини талаб қилди. Шунингдек, улардан футболчига етказилган маънавий зарар учун 6 минг евро миқдорида товон пули ундирилиши мумкин.

19 май, душанба куни ушбу иш бўйича суд мажлиси ўтказилади. Прокуратура хулосасида таъкидланишича, айбланувчилар ўз хатти-ҳаракатларини "жабрланувчининг тери рангига нисбатан очиқ-ойдин нафрат ва норозилик белгиси сифатида ҳамда унинг руҳий хотиржамлигига путур етказиш мақсадида" содир этишган.

"Реал"нинг бразилиялик футболчиси суд мажлисига гувоҳ сифатида таклиф этилди.