Водий дербиси учун чипталар нархи эълон қилинди

Суперлиганинг 5-тури доирасида 8 апрель куни Фарғонадаги “Истиқлол” стадионида водий дербиси номи остида “Андижон” ҳамда “Нефтчи” жамоалари ўзаро баҳс олиб борадилар. Айтиш керакки, “Андижон” шу куни номинал мезбон ҳисобланади.

Мазкур учрашув учун чипталар сотуви бошланди. Андижонлик мухлисларга 11, 12, 13, 14, 15 ва 16-секторлар ажратилган. Фарғоналик ишқибозлар қолган секторларга жойлашишлари мумкин.

Маълумот учун, СИП секторга мўлжалланган чипта нархи 50 минг сўм этиб белгиланган. Қолган секторлар учун эса чипта нархи 25 минг сўм.

Эслатиб ўтамиз, “Андижон” – “Нефтчи” ўртасидаги ўйин 8 апрель куни соат 17:55 да бошланади.