Volkanovski revanshda ham g‘olib bo‘ldi va chempionlikni saqlab qoldi

BAAning Abu-Dabi shahrida "UFC 251" turniri bo‘lib o‘tmoqda. Unga ko‘ra, Aleksandr Volkanovski va Maks Xellouey chempionlik uchun o‘zaro jang o‘tkazishdi. To‘liq 5 raund kechgan jangda hakamlar Volkanovskining g‘alabasini qayd etishdi.

Eslatib o‘tamiz, 2019 yilning 14 dekabr sanasida ham ikkala jangchi qarama-qarshi kelishgandi va hakamlar bir ovozdan Volkanovskining g‘alabasiga qaror qabul qilishgan edi.

Birozdan so‘ng, musobaqaning markaziy jangida Kamaru Usman Xorxe Masvidalga qarshi himoya jangini o‘tkazadi.