WBC рейтинги янгиланди. Ўзбек боксчилари қайси ўринларда?

  • 9 декабрь, 2020, 13:19
  • 1
  • Бокс

WBC ноябрь ойи учун рейтингни янгилади. Унга кўра, ярим ўрта вазнда (66.6 кг) Қудратилло Абдуқаҳҳоров рейтингнинг 8-поғонасида қайд этилган.

Супер ўрта вазнда (76.2 кг) WBC Silver камари соҳиби Азизбек Абдуғофуров эса, ўтган ойдаги каби 6-ўринни сақлаб қолди. Кучли 15 таликдан бошқа ўзбекистонлик боксчилар ўрин олмаган.

Аммо WBC бошқа йўналишлардан фарқли ўлароқ, 40 талик рейтингни эълон қилади. Ундаги ҳамюртларимиз супер ўрта вазн тоифасида (76 кг) фаолият олиб бораётган Бектемир Мелиқўзиев 30, супер ярим ўрта вазнда (69.8 кг) Исроил Мадримов 21, супер енгил вазн тоифасида (63.5 кг) Шоҳжаҳон Эргашев 23 ва Анвар Туропов 39, биринчи ўта енгил вазнда ( 48.9 кг) Ҳасанбой Дўсматов 33-ўриндан жой олган.

Фикрлар

Саралаш
Фикр қолдириш учун авторизациядан ўтинг!
Шерали Мамаджанов
09/12/2020 23:10
A Sherzod Husanov yuqmi
Жавоб ёзиш