Хаби Алонсонинг "Байер"ни тарк этиши аниқ бўлди

Расман Хаби Алонсо "Байер"ни ушбу ёзда тарк этади. Бу ҳақида мураббийнинг ўзи гапирди. 

"Бу менинг "Байер"даги сўнгги ўйинларим эканлигини тасдиқлаш вақти келди", - деди Алонсо. Клуб расмий саҳифаси орқали ҳам мутахассиснинг кетаётгани ҳақида хабар бермоқда. 

Хаби 2017 йилда футболчилик фаолиятини якунлаб, "Реал" ёшлар жамоасида ишлаган. Шундан кейин "Реал Сосьедад" Бга ўтган мураббий 2022 йили "Байер"ни қабул қилиб олганди. Унинг кейинги манзили катта эҳтимол билан "Реал" бўлади.