Хабиб Нурмагамедов футбол тарихидаги энг аҳмоқона кун қайсилигини айтди

Енгил вазн тоифасида UFC чемпиони Хабиб Нурмагомедов “ЖЧ-2006” финал баҳси ҳақида ўз фикрини билдириб ўтди.

Ўша ўйинда Франция терма жамоаси сардори Зинедин Зидан рақиб ҳимоячиси Марко Матераццига боши билан зарба бергани учун майдондан четлатилган эди. Пенальтилар сериясигача давом этган беллашув Италия терма жамоасининг ғалабаси билан якунланган эди.

“Футбол тарихидаги энг аҳмоқона кун", - деб ёзди Хабиб инстаграмдаги саҳифасига.

Россиялик жангчи мунтазам равишда футбол мавзусида ўз фикрларини билдириб боради. У ММАдаги фаолиятини якунлагач, профессионал футболчи бўлишни мақсад қилаётгани ҳақида ҳам гапириб ўтган эди.