Кеча пойтахтимиздаги “Ўзбекистон” халқаро форумлар саройида “3 декабрь – Халқаро ногиронлар куни” муносабати билан катта байрам тадбири бўлиб ўтди.

Тадбирни Ўзбекистон Республикаси Бош вазир ўринбосари Азиз Абдуҳакимов ўз нутқи билан очиб берди. Сўнгра саҳнага бирин-кетин юртимизнинг машҳур санъаткорлари чиқиб келишди. Улар ижро этган куй-қўшиқлар йиғилганларнинг кайфиятига кайфият улашди.

Байрам тадбирида шунингдек Ўзбекистон Миллий паралимпия ассоциацияси йил лауреатларини эълон қилди. Унга кўра “Йилнинг энг яхши аёл спортчиси” деб Параканоэ бўйича Ўзбекистон терма жамоаси аъзоси Шахноза Мирзаева, “Йилнинг энг яхши эркак спортчиси” деб эса Пара атлетика бўйича Ўзбекистон терма жамоаси аъзоси Бобир Омоновлар топилишди. Айтиш керакки, улар ўз нутқларида спортга, айниқса Паралимпия спортига қаратаётган эътибор ва ғамхўрлиги учун Муҳтарам Президентимизга чин кўнгилдан миннатдорчилик билдиришди.

Шуни алоҳида таъкидлаш лозимки, бугунги тадбир кўнгли ярим инсонларнинг кўнглини тоғдек кўтарди. Уларда эртанги кунга бўлган ишончни янада оширди. Энг муҳими, улар Мустақил Ўзбекистонда ҳеч қачон ёлғиз эмасликлари ва ҳеч кимдан кам эмасликларини ҳис қилишди.

Қуйида ушбу байрам тадбиридан олинган фотосуратларни томоша қилишингиз мумкин: