Xavi "Barselona" bilan bog‘liq savolga javob qaytardi

"Al-Sadd" bosh murabbiyi Xavi Ernandes "Barselona" bilan bog‘liq savolga javob qaytardi. Ma’lumki, ispaniyalik mutaxassis Ronald Kumanning o‘rnini egallash uchun asosiy nomzod bo‘lib turibdi. 

"E’tiborimni "Al-Sadd"da ishlashga qaratganman. Boshqa narsa haqida gapirishni istamayman", - dedi Ernandes. 

Ispaniya matbuotining xabariga ko‘ra, Xavi Qatar klubi rahbariyati bilan shartnomani bekor qilishga kelishib olgan. 

Eslatib o‘tamiz, Xavi o‘z vaqtida futbolchi sifatida katalaniyaliklar bilan ko‘plab sovrinlar yutishga erishgan.