Хави: "Барселона"дан кетишга тайёрман

"Барселона" бош мураббийи Хави Эрнандес жамоа бош мураббийлигидан кетиши мумкинлиги ҳақидаги саволга жавоб берди.

"Истеъфо? Раҳбарият қарор қилса, жамоадан кетишга тайёрман. Бу футбол, ​​мен хафа бўлмайман. Аввалроқ, Лапорта натижа бўлмаса, клубда ўзгартириш қилиши мумкинлигини айтганди. Менимча, ҳаммаси бош мураббийдан бошланади. Вазиятни тўғирлаш учун қўлимдан келган барча ишни қиламан", - деди Эрнандес.

"Барселона" айни пайт Испания Ла Лигаси турнир жадвалида иккинчи ўринда бормоқда. Чемпионлар лигасида эса "кўк-анорранглилар" гуруҳда 3-поғонани банд этиб турибди.