Хави: Биз бозорни назорат қила олмаймиз

"Барселона" бош мураббийи Хави франциялик ҳужумчи Усмон Дембеленинг ПСЖга кетиши мумкинлиги ҳақида гапирди.

“Кўп марта айтганман. У мен учун ўз позициясида дунёнинг энг яхшиси бўлиш имкониятига эга. Буни тақдимотимда айтдим ва бугун такрорлайман: Усмон мен учун қимматли футболчи ва унга доим ишонч билдирганман. 

Биз бозорни назорат қила олмаймиз. Тўловлар бор ва бу ўйинчининг қарори. Дембеле "Барса"да бахтли. У қарор қабул қилиши керак бўлади", - дея Хавининг сўзларини келтирди "Marca" нашри.