Хави: "Бу нормал ҳолат"

Чемпионлар лигасининг 6-турида "Барселона" "Антверпен"га 3:2 ҳисобида мағлуб бўлди. Ўйиндан кейин ташкил қилинган матбуот анжуманида Хави журналистлар саволларига жавоб берди. 

"Мен ташвишланяпман, бу нормал ҳолат. Кетма-кет икки ўйин мағлубиятга учраяпмиз. Бизни кўпроқ бугунги эмас, "Жирона"дан учралган мағлубият хафа қилди. Икки йилдан сўнг яна плей-оффдамиз. Ташқаридан ички муҳит ёмондек кўриниши мумкин, лекин бизда ҳаммаси жойида. Жамоа ҳали ўсади. Менга ишонинг.", - деди испаниялик мутахассис. 

"Барселона" гуруҳдан биринчи ўрин билан чиқди ва биринчи саватчадан ўрин олди.