Хави Каземиронинг МЮга ўтиши ҳақида гапирди

"Барселона" бош мураббийи Хави ярим ҳимоячи Каземиронинг "Реал"дан "Манчестер Юнайтед"га ўтиши ҳақида фикр билдирди.

“Клуб қарор қабул қилади ва у ерда нима бўлганини билмайман. Лекин баъзида шундай вазиятлар бўладики, асосий ўйинчи сотишга мажбур бўламиз.

Шубҳасиз, бу "Реал" Мадрид учун жуда жиддий йўқотиш. Каземиро клубда салкам 10 йил ўйнади. У кўп нарсага эришди, клуб Каземиро билан кўплаб совринларни қўлга киритди”, - дея Хавининг сўзларини келтиради “Diario Sport”.

Маълумот ўрнида, кеча “Манчестер Юнайтед” бразилиялик таянч ярим ҳимоячисини “Реал”дан сотиб олганини расман эълон қилди. Инглиз клуби футболчи учун “қиролли клуби”га 60+10 миллон евро тўлади.