Хави Левандовскининг "Барса"га ўтиши мумкинлиги ҳақида гапирди

"Барселона" бош мураббийи Хави Эрнандес "Бавария" ҳужумчиси Роберт Левандовскини сотиб олиниши ҳақида тарқалган хабарларга муносабат билдирди. У ўз фикри давомида футболчининг ёши аҳамиятсиз эканини айтди.

"Футболчини қўлга киритишда мен учун унинг ёши муҳим эмас. Масалан, Дани Алвес бизга 38 ёшида келди.

Ўйинчилар ёши улғайган сари ўзларига яхши эътибор қилишади, профессионал бўлиб қолишади. Бунга Дани Алвес, Златан Ибрагимович, Лука Модрич, Криштиану Роналду ёки Лионель Мессини мисол қилиб келтириш мумкин", - деди испаниялик мутахассис.

Эслатиб ўтамиз, Левандовскининг мюнхенликлар клуби билан шартномаси 2023 йилнинг ёзига қадар амал қилади.