Хави янги мураббийни “Барса”да қандай “даҳшатлар” кутаётганини айтди

Испаниялик журналистлар “Барселона” бош мураббийлигидан кетган Хави Эрнандесдан ўзининг ўрнини эгаллайдиган мутахассисга маслаҳат беришини сўрашди.  

- Мен бўлажак бош мураббийга шуни айтишим мумкинки, у жуда мураккаб жараёнларга тўқнаш келади. Уни қутқарадиган ягона омил – фақат ғалаба қозониш.

Бу факт. Бош мураббий хорижлик бўладими ёки маҳаллий мутахассис, бунинг фарқи йўқ.

Янги мураббийга бу ерда жуда кўп азоб чекишини, бу жуда қийин иш экани ва сабр қилишга мажбур бўлишини айтишим мумкин, - деди Хави Эрнандес.

Сўнгги маълумотларга қараганда, “Барселона”ни германиялик тажрибали мутахассис Ханс-Дитер Флик бошқариши кутилмоқда.