Хави зўр футболчи учун Дембеледан воз кечди

“Барселона” бош мураббийи Хави эркин агентга айланган ва клуб билан музокарани давом эттираётган Усмон Дембеледан воз кечиб, бор эътиборини “Лидс” вакили Рафинья Диасга қаратишга қарор қилди.

Аввалроқ, клуб раҳбарияти бу икки ўйинчини бирга ўйнатиш ғоясини қўллаб-қувватлаётган эди. Энди вазият ўзгаргани айтилмоқда. Хави бор эътиборини Англиядаги бразилиялик ўйинчига қаратди.

Яқинда “Лидс” раҳбарияти “Барселона” Рафинья трансфери бўйича таклифни чўзиб юборганига эътироз қилганди. Бу клуб каталонияликлардан тез орада янги таклиф келмаса, ўйинчига харидор бўлаётган бошқа жамоалар билан музокара бошлашини таъкидлаган.

Рафинья ўтган мавсумда Англия премьер-лигасида 35 та учрашувда қатнашиб, рақиблар дарвозасига 11 та тўп киритди ва учта ассист қайд этди.