Хайрулла Ҳамидов, Мурод Ризаев ва бир қатор журналистлар “Сўғдиёна”нинг ОФК кубогидаги мағлубиятига реакция билдирди

Кеча ОФК Кубоги ҳудудлараро финал босқичи доирасидаги "Сўғдиёна" - "Куала-Лумпур Сити" учрашув бўлиб ўтди. Унда жамоалар ўйиннинг асосий ва қўшимча таймларида дарвозаларга йўл топа олмади. Натижада ҳакам пенальтилар сериясига мурожаат қилди.

ОФК кубоги финалига бир қадам қолганда “Сўғдиёна” қай тарзда мағлубиятга учради?

IMG_2739

Улуғбек Бақоев экстра таймларнинг охирларида таркибда ўзгаришларни амалга оширди. Бақоев Суперлига охирги турида пенальтидан гол ура олмаган Шоҳруз Норхоновни захирага олди. Шунингдек, асосий посбон Милан Митрович ўрнига захира посбони Ширинбой Абдуллаев пенальтилар сериясига ташланди. Бироқ бу ўзгаришлар жамоага ёрдам бермади. Алмаштиришлар ҳисобга таъсир ўтказа олмади.

Лотереяда омад "Куала-Лумпур Сити"га кулиб боқди. “Сўғдиёна” 5:3 ҳисобида имкониятни бой бериб, ОФК кубоги финалига чиқа олмади.

IMG_2790

Жиззахликлар яратилган имкониятдан фойдалана олмади. Учрашувда рангбаранглик кўринмади. Шу сабаб “В” ёки “С” режалар кўринмади. Натижада жамоа шу босқичда тўхтади.

Ушбу мағлубиятдан сўнг бир қатор журналистлар ижтимоий тармоқдаги саҳифаларида ўз муносабатини билдирди.

Хайрулла Ҳамидов: - Брунейга урилган 14 та голдан биттасини “Сўғдиёна”га бериб турсанглар нима бўлардия?!

Мурод Ризаев: - Эх.. Афсус... “Сўғдиёна” бир қадам қолган эдия… Иккинчи тайм охирида қандай қилиб гол ура олмади хайронман... Эхххххх Шум бола нима дер эди... Омборам ёнди... Қўрғонам ёнди.

Бобур Акмалов: - Бу ўйин билан финалда нон йўқ эди бизга! Тўғри қилдинглар, йигитлар!

Яҳёхўжа Улуғхўжаев: - СССРдан қолган ўйин услуби билан (агар буни услуб деб бўлса) Малайзия клубини ҳам ютиб бўлмайди. Уйғонинг! Дераза ортида 2022 йил!

Жалолиддин Қобилжонов: - Фақат иккинчи қаватдан ўйнаб ОФК кубогини ютиб бўлмайди, Мистер Бақоев!

Жамоанинг асосий пенальтичисини захирага олиш, “Қизиқум”га қарши серияда ҳам бирорта зарбани қайтармаган Абдуллаевни тушириш, менимча бу масканинг давоми бўлса керак.

Норхонов Суперлигадаги охирги ўйинда АГМКга 11 метрлик нуқтадан гол ура олмаганди.

IMG_2777

Интернетда мухлисларнинг реакцияси қандай бўлгани ҳеч кимга сир эмас. Журналистларнинг фикрлари мана шундай.

Чиндан ҳам Улуғбек Бақоев ниманидир ўзгартирмаса, ички мусобақаларда яна панд бериши мумкин. Чунки “бўрилар” ОФК кубогига ишониб, Суперлига чемпионлиги учун курашдан чиққанди. Энди жамоанинг бор умиди Ўзбекистон кубоги ва чемпионтда 4-ўриндан умидвор. Аммо бу мусобақаларда ОФК кубогидан кўра жиддийроқ кураш кечади.

 

Бекзод ИСАЕВ

Фикрлар

Саралаш
Фикр қолдириш учун авторизациядан ўтинг!
Рахматов Карши
06/10/2022 20:35
Финалга бормагани хам макул экан ,уйини шу булса...
Жавоб ёзиш
Saatov Ulugbek
06/10/2022 20:18
Ахир нимадир ишингни битишини кузлаб уйдан чикаетганингда дуо килиб туринглар оркамдан демайсанми ота онангга?
Жавоб ёзиш
Saatov Ulugbek
06/10/2022 20:04
Шу шархловчиларга берманглар шархлашни, бошлангандан Бутун Узбекистанни ишонтириб булди ютказишига, Бутун Узбекистанда аурани яратиб берди ютказиишига, ОЛЛОХ дан Дуо килиб сураб турган мухлисларни фикрини чалгитиб, ... Ватанпарпарлик бундай булмайди дустим, индамасдан уйинни шархла, кимга керак сенинг негативларинг, сен ишонмасанг ютишига шархлама, Ана Отабек ка бер у Зур хар Калай негатив таркатмайди. Еки бориб тренер бул, калланг шунга зур булса, нима хаккинг бор уйин тугамасдан шунча мухлисни ишончини, чин дилдан ОЛЛОХ дан сураб турганини бузасан кайта кайта гапириб. Фикрингни эшиттиришингда айт уйиндан кейин. Уйиндаги вазиятлардан фойдаланишларини узидан сураб турган мухлисни КАР КАР килиб ишончини хам улдирасан!!!!
Жавоб ёзиш
Жабборов Ахмаджон
06/10/2022 19:20
Суғдиёна бази бир жамоалардан қўра яҳши ўйнади йигитларга раҳмат. Аҳир бошдан юқори сакраб бўлмайдику.
Жавоб ёзиш
&
Shaymardonov Nurbek Nasimovich
06/10/2022 19:02
Sugdiyona shergacha kelgani uzi katta yutuq bundan oldinki uyinga uzi. bilinuvdiki. muhimi tamini oldi. endi bu yildan yoqori urunlar uchun kurashadi endi
Жавоб ёзиш