Хендерсон Саудия борасида Муҳаммад Салоҳга маслаҳат беролмади

Ўтган ёзда “Ливерпуль”дан кетиб, Саудия Арабистонининг “Ал-Иттифоқ” жамоаси сафига қўшилган Жордан Хендерсон янги шароитларга мослаша олмади.

Машҳур футболчи саудияликлар билан ўзаро келишган ҳолда жамоани тарк этиб, “Аякс” футболчисига айланди.

Журналистлар Хендерсондан саудияликларжиддий қизиқиш билдираётган Муҳаммад Салоҳга Саудия Арабистонига бориш масаласида қандай маслаҳат бера олишини сўрашди.

- Бирор бир аниқ маслаҳат бера олмайман. Чунки футболчилар ҳар хил. Ҳаммаси тез ўзгариши мумкин. Мен Саудия лигаси ёки клублари ҳақида ёмон гап айта олмайман. Улар менга берган имкониятларни қадрлайман.

Мен Англия Премьер-лигасига қайтишим мумкинми? Менга қизиқиш билдирганлар ҳақида гапириш энди тўғри бўлмайди. Чунки бугун мен “Аякс”даман ва бундан жуда мамнунман, - деди Жордан Хендерсон.