"Xo‘jand" legionerimiz bilan shartnomasini uzaytirdi

Tojikiston chempionatida “Xo‘jand” sharafini himoya qilib kelayotgan o‘zbekistonlik legioner, himoyachi Firdavs Abdusalimov faoliyatini yana ushbu klubda davom ettiradi.

Klub matbuot xizmatining xabar berishicha, legionerimiz 2024 yilgi mavsum uchun shartnomasini uzaytirdi.

Eslatib o‘tamiz, Firdavs 2021 yilning yozida “Xo‘jand”ga ko‘chib o‘tgan va shu mavsumgacha 65 uchrashuvda (63 marta asosiy va ikki marta zaxirada) maydonga tushib, bitta golli uzatmani amalga oshirgan. 

Shuningdek, u 2021 yilgi mavsumda Tojikiston Kubogi va kumush medallarni, 2022 yilda esa bronza medalini qo‘lga kiritdi.