"Хўжанд" легионеримиз билан шартномасини узайтирди

Тожикистон чемпионатида “Хўжанд” шарафини ҳимоя қилиб келаётган ўзбекистонлик легионер, ҳимоячи Фирдавс Абдусалимов фаолиятини яна ушбу клубда давом эттиради.

Клуб матбуот хизматининг хабар беришича, легионеримиз 2024 йилги мавсум учун шартномасини узайтирди.

Эслатиб ўтамиз, Фирдавс 2021 йилнинг ёзида “Хўжанд”га кўчиб ўтган ва шу мавсумгача 65 учрашувда (63 марта асосий ва икки марта захирада) майдонга тушиб, битта голли узатмани амалга оширган. 

Шунингдек, у 2021 йилги мавсумда Тожикистон Кубоги ва кумуш медалларни, 2022 йилда эса бронза медалини қўлга киритди.