Холанд, барибир Мбаппедек бўлолмайсан!

“Реал” жамоасининг афсонавий ҳужумчиларидан бири Предраг Миятович мадридликлар нишонида турган Килиан Мбаппе ва Эрлинг Холандни ўзаро таққослади.

- Эрлинг ҳақиқий феномен, туғма тўпурар. Аммо у норвегиялик, шу боис,  имидж ва таъсир кучи жиҳатидан ҳеч қачон Килиандек бўлолмайди.

Агар менда танлаш ҳуқуқи бўлганида, борим бериб бўлса ҳам, Мбаппени трансфер қилган бўлардим. Мбаппе ҳақиқий суперюлдуз ва у доимо диққат-эътибор марказида, - деди Предраг Миятович.

Франциялик Мбаппе ПСЖ тарихида энг кўп гол урган ҳужумчи ҳисобланади. Эрлинг Холанд эса, ўтган йили “Манчестер Сити” сафига қўшилганидан бери тўпурарлик бўйича турли рекордларни янгилаяпти.