Холанд билан рақобатдан қўрқмайман!

“Бавария” ҳужумчиси Роберт Левандовски мюнхенликларнинг “Боруссия” тўпурари Эрлинг Холандни трансфер қилмоқчи экани ҳақидаги хабарларга муносабат билдирди. Кўпчиликни икки тўпурарнинг бир жамоадаги рақобати қандай бўлиши қизиқтирмоқда.

- Олдимда рақобат масаласи кўтарилмайди. Мен ўз баҳомни биламан ва ҳар доим бундан-да яхши ўйнашим кераклигини ҳам, - деди Роберт Левандовски.

Левандовски кейинги йилларда Бундеслига тўпурарлигини ҳеч кимга бермай келмоқда. Жорий мавсумда ҳам польшалик ҳужумчининг ўйнаган ўйинлари сонидан урган голлари кўп.

Эрлинг Холанд жорий мавсумда кўп жароҳат олаётгани боис, тўпурарлар пойгасида тажрибали ҳамкасбидан анча ортда қолмоқда.