Холанд бўйича муҳим қарор

“Манчестер Сити” раҳбарияти Англия Премьер-лигасидаги дебют мавсумидаёқ тўпурарлик бўйича қатор рекордларни янгилаётган Эрлинг Холандни узоқроқ муддат олиб қолмоқчи.

Аслида норвегиялик ҳужумчининг шартномаси 2027 йилнинг ёзигача имзоланган. Goal.com сайтининг ёзишича, мутасаддилар 22 ёшли футболчи вакилларини янги музокараларга чорлаяпти.

Улар шартномани янгилаб, Холандни жамоага мустаҳкамроқ боғлаб қўймоқчи.

“Шаҳарликлар”нинг ҳаракатга тушиб қолгани бежиз эмас. “Реал” келаси йили ёзда Эрлинг Холандни ўз сафига қўшиб олишни режалаштирган.

Холанднинг отаси ҳужумчи Англия Премьер-лигасида ҳам узоқ қолмоқчи эмаслигини ва фаолияти давомида кучли бешлик чемпионатларила ўйнаб чиқмоқчи эканини таъкидлаган.