Холанд бу балодан қутила олмаяпти

“Боруссия” бош мураббийи Марко Розе жамоа юлдузи Эрлинг Холанднинг муаммолари борлигини маълум қилди.

- Эрлинг оёғидаги бу кучли оғриқлардан қутила олмаяпти. Бир неча ҳафта олдин, Холанднинг тўпиғи 90 градусга қайрилиб кетгани акс этган суратларни олдик, - дейди Марко Розе.

Холанд 2020 йилнинг январида дортмундликлар сафига кўчиб ўтганди. Бу ҳужумчи учун “Боруссия” Австриянинг “Зальцбург” клубига 20 миллион евро тўлаган. Унинг амалдаги шартномаси яна икки мавсум давом этади.

Ёзда Холанд Европанинг бошқа гранд клубига кўчиб ўтиши кутилмоқда. Норвегиялик тўпурарни қўлга киритмоқчи бўлаётган жамоалар 300 миллион евро миқдорида харажат қилишига тўғри келиши айтилмоқда.