Холанд: Бунақада мен кетаман!

“Боруссия”нинг норвегиялик ҳужумчиси Эрлинг Холанднинг клубдаги фаолияти сўроқ остида турибди. Яқинда дортмундликлар 20 ёшли футболчи келаси мавсумда ҳам Бундеслигида тўп тепишини айтганди.

Бироқ, Холанднинг ўзи УЕФА Чемпионлар лигасида мунтазам ўйнашни истамоқда. Агар “Боруссия” бу йилги чемпионатда кучли тўртликка кира олмаса ва Чемпионлар лигасидан қуруқ қолса, Эрлинг ёзда бошқа жамоага ўтиб кетади.

Аксарият мутахассислар Холанд “Реал” таклифини танлаши ҳақида гапирмоқда.  Мадридликлар эса асосий трансфер нишони сифатида Килиан Мбаппени белгилаган. Агар Париж клуби бу ҳужумчини жамоада қолишга кўндирса, Зидан ўз жамоасига Холандни таклиф қилади.

Холанд жорий мавсумда барча турнирларда 38 та учрашувда қатнашиб, рақиблар дарвозасини 37 маротаба ишғол қилди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар