Холанд фақат бир футболчидан қўрқади

“Манчестер Сити” тўпурари Эрлинг Холанд жорий мавсумда ўзига қарши ўйнаган энг қийин рақиб кимлигини айтди.

22 ёшли ҳужумчининг таъкидлашича, уни “Ливерпуль” ҳимоячиси Виржил ван Дейк кўп қийнаган экан.

- Энг қийин рақибга “Энфилд”да тўқнаш келдим. Бу Виржил ван Дейк эди. Мен доим унинг зўр ҳимоячи эканини айтиб келардим. Менга жуда ёқади. Виржил ақлли, тезкор ва юқоридан келадиган тўп учун зўр курашади, - деди Холанд.

Маълумки, норвегиялик ҳужумчи дебют мавсумида 36 та тўп киритиб, Премьер-лига тарихида тўпурарлик рекордини ўрнатди.