Холанд кимга мухлислик қилади?

“Боруссия” ҳужумчиси Эрлинг Холанднинг отаси Альф Инге ўғли қайси футболчиларни ўзига ўрнак, деб билишини айтди.

- Эрлинг туғма ҳужумчи ва шунинг учун ҳам кўп гол урадиган футболчиларни ёқтиради. Унга асосан икки футболчи – Златан Иброҳимович ва Криштиану Роналду ёқади. Шунингдек, италиялик ҳужумчи Марио Балотелли “Манчестер Сити”да ўйнаганида, ўғлим унга ҳам мухлислик қиларди.

Эрлинг ҳеч қачон ўзининг даражасидан қониқмайди ва доим машқ қилишда давом этади. У футбол билан яшайди. Иккита гол урганида уни захирага олишлари ёқмайди. Чунки у учинчи голни уришни истайди, - деди Альф Инге.