Холанд: "Мен янада яхшироқ бўлишим керак"

"Манчестер Сити" ҳужумчиси Эрлинг Холанд ўзининг сўнгги ўйинлардаги самарадорлиги ҳақида фикр билдирди.

Норвегиялик футболчи АПЛнинг 25-турида "Ливерпуль"га қарши сафар учрашувида (2:1) ғалаба голини пенальтидан киритди. Сўнгги 8 та чемпионат ўйинида Холанд ҳисобида 2 та гол ва 2 та голли узатма бор.

"Айтиш мумкинки, йил бошидан бери етарлича гол ура олмадим ва мен яхшироқ бўлишим кераклигини биламан.

Мен янада эътиборни жамлашим, барча жиҳатларда яхшироқ ўйнашим кераклигини тушунаман. Бу устида ишлашим шарт. Шу руҳда давом этишим керак, чунки барча шунга лойиқ ва шуни кутади.

Нега яхши натижа кўрсата олмаганим ҳақида гапиришни истамайман. Менимча, бунга ҳеч қандай баҳона йўқ. Чарчоқ кўп жиҳатдан руҳий омил.

Ўйинлар жуда кўп. Тақвимга қаранг, у осон эмас. Мен учун энг муҳими — жисмоний ҳолатни сақлаш ва жароҳат олмаслик. Бу энг асосийси. Ва жамоага ёрдам беришга доимо тайёр бўлишга ҳаракат қилиш", — деди Холанд.