Холанд Мессини “тахт”дан ағдарди

Испаниянинг машҳур Marca нашри якунланган мавсумда Европанинг етакчи лигаларида энг зўр ўйин кўрсатган футболчилар рейтингни тузиб чиқди.

Унга кўра, “Манчестер Сити” сафида Европа Чемпионлар лигаси, Англия Премьер-лигаси ва мамлакат кубогини қўлга киритган Эрлинг Холанд биринчи ўринга лойиқ топилди. Норвегиялик ҳужумчи Англия клубидаги дебют мавсумида жами 52 та тўп киритди.

Рейтингда Холанд Европа футболидаги фаолиятига нуқта қўйган жаҳон чемпиони Лионель Мессини ортда қолдирди.

Кучли ўнлик билан танишинг:

1. Эрлинг Холанд (“Манчестер Сити”)
2. Лионель Месси (ПСЖ)
3. Винисиус Жуниор (“Реал”)
4. Килиан Мбаппе (ПСЖ)
5. Кевин де Брюйне (Манчестер Сити)
6. Родри (Манчестер Сити)
7. Антуан Гризманн (Атлетико)
8. Виктор Осимхен (Наполи)
9. Илкай Гюндоган (Манчестер Сити)
10. Хвича Кварацхелия (Наполи)