Холанд Неймар ва Левандовскини ортда қолдирди. Ундан олдинда 2 футболчи бор

Эрлинг Холанд 2022 йилни самарали ўтказмоқда. 

Кеча "Манчестер Сити" ҳужумчиси Лига кубоги 1/8 финали доирасида "Ливерпуль"га қарши беллашувда гол урди. 

Жорий йилда 22 ёшли форвард 41 учрашувда майдонга тушиб, гол+пас тизимида 51 очко тўплади (43+8). Мазкур кўрсаткич бўйича у Неймар (42 ўйинда 32+19) ҳамда Левандовскига (51 ўйинда 42+9) етиб олди.

Холанддан фақатгина Месси (35+30) ҳамда Мбаппе (55+17) кўпроқ очко жамғарган.