Холанд “Сити”дан кетадиган бўляпти

Ёзда Англиянинг амалдаги чемпиони “Манчестер Сити” таркибида жиддий ўзгаришлар бўлиши кутилмоқда.

Бу биринчи навбатда, бош мураббий Хосеп Гвардиоланинг клубдан кетиш эҳтимоли ошиб бораётгани ва “Манчестер Сити” молиявий қоидабузарликлар учун жазога тортилиши кутилаётгани билан боғлиқ.

“Шаҳарликлар”нинг сўнгги икки йилдаги энг зўр тўпурари Эрлинг Холанд ҳам ёзда бошқа клубга кўчиб ўтишга тайёр экани хабар қилинди.

Fichajes нашрининг ёзишича, тез орада Холанд учун кураш бошланади. Айни пайтда 24 ёшли ҳужумчига “Реал”, “Барселона” ва “Пари Сен-Жермен” каби қудратли клублар даъвогарлик қилмоқда.