Холанднинг отаси Эрлингнинг кейинги жамоаси номини айтди

“Манчестер Сити” тўпурари Эрлинг Холанд “Реал” нишонидаги футболчилардан ҳисобланади. Мадридликлар ПСЖ форварди Килиан Мбаппенинг трансфери ўхшамаган тақдирда норвегиялик ўйинчини олиш ҳаракатларини бошлайди.

Эрлингни отаси Альф-Инге Холанд ўғлининг “Реал”га ўтиши ҳақидаги саволга жавоб қайтарди.

- Эрлинг “Реал”да ўйнай оладими? Албатта. Ўғлим дунёнинг ҳар қандай жамоасида ўйнашга қодир, - деди Альф-Инге Холанд.

“Манчестер Сити” Эрлинг Холандни 2022 йили трансфер қилган эди. 23 ёшли тўпурарнинг отаси ўшандаёқ ўғли топ лигаларнинг барчасида ўйнаши кераклигини таъкидлаган.