Хорватиялик футболчи тарихдаги энг қиммат ҳимоячига айланди

Йошко Гвардиол "Манчестер Сити"га ўтди.

"Лейпциг" ва "Манчестер Сити" 21 ёшли ҳимоячининг трансфери борасида келишувга эришди. Бу ҳақда клублар яқин кунларда расман эълон қилишади.

Хорватиялик мудоффа вакили тарихдаги энг қиммат ҳимоячига айланади – “шаҳарликлар” унинг учун 90 миллион евро тўлайди. Бундан ташқари, жамоалар ўртоқлик ўйини ўтказади ва бунинг эвазига "Лейпциг" тахминан 1,5 миллион евро ишлаб олиши мумкин бўлади.

Эслатиб ўтамиз, Гвардиол 2021 йилда 18 миллион евро эвазига Загребнинг "Динамо"сидан "Лейпциг"га ўтган эди.